बन्दिपुर गाउँपालिका, गण्डकी प्रदेश तनहुँ जिल्लामा पर्यटकीय महत्त्व बोकेर १०२ बर्ग कि.मि. क्षेत्रफलमा फैलिएको सानो तर विविधताले सजिएको सुन्दर गाउँपालिका हो। आ.व. २०७०/७१ (२०७१ बैशाख २५ गते) मा साविक धरमपानी र बन्दिपुर गाउँ विकास समितिहरुलाई समेटेर बन्दिपुर नगरपालिका घोषणा गरिएको थियो। वि.स. २०७३ सालमा नेपालको नयाँ प्रादेशिक संरचना कायम भएसंगै साविक बन्दिपुर नगरपालिका, घाँसीकुवाका गा.वि.सका १ र ९ वडाहरु र केशवटार गा.वि.सका १, ८ र ९ वडाहरुलाई समावेश गरि ६ वडाहरु सहितको बन्दिपुर गाउँपालिका घोषणा भएको हो।
नयाँ वडा
समावेश गा.वि.स./नगरपालिका
जनसंख्या (२०७८)
क्षेत्रफल
१
बन्दिपुर (१) र घाँसीकुवा (९)
४७५८
१३.१२
२
बन्दिपुर(२,३)
३१४६
१८.०२
३
घाँसीकुवा(९) र केशवटार(१,८,९)
२०१७
१५.५२
४
बन्दिपुर (४,६)
३९७८
१०.५०
५
बन्दिपुर (५,७)
२६१७
१३.९०
६
बन्दिपुर(८-११)
२०१६
३०.४७
जम्मा
१८५३२
१०१.५३
बन्दिपुर, तनहुँ जिल्लाको पुरानो सदरमुकाम हो। यो शहर मोटर यातायातको सुविधा नहुँदा पश्चिम पहाडका तनहुँ, कास्की, लम्जुङ्ग, गोर्खा र मनाङ्गको लागि दक्षिणबाट सामान ल्याउने मुख्य व्यापारिक नाकाको रुपमा विकास भएको थियो। यस ठाउँबाट बि.स. २०२५ सालमा सदरमुकाम दमौली सारिए पनि सांकृतिक सम्पदा र प्राकृतिक मनोरमताको प्रचारप्रसारसंगै बन्दिपुर व्यापारिक नाकाबाट पर्यटकीय स्थानको रुपमा विश्वभर नै प्रसिद्धि छ।
बन्दिपुर गाउँपालिकाको आयोजनामा संचालित ५ दिने ( २०७५ पौष १६ गतेदेखि २० गते सम्म ) मण्टेश्वरी विधिम आधारित तालिम उद्घाटन गर्नुहुंदै गाउँपालिका अध्यक्ष पुर्ण सिंह थापा।
उँहाले बन्दिपुरको विकासमा शिक्षाको महत्त्व र सिकाईको तरिकाबारेमा बोल्नु भएको थियो।